ಹಿನ್ನಲೆ ಕೆಲಸ ಮುಗಿಸಿದ ಟೆಡಿಬೇರ್ ಮತ್ತು ಅದೊಂದೂರಲಿ ಚಿತ್ರಗಳು
ಕೊರೊನಾ ಸಂಕಷ್ಟದಲ್ಲಿ ಸಮಯ ವ್ಯರ್ಥ ಮಾಡದೆ ಎರಡು ಚಿತ್ರಗಳ ಹಿನ್ನಲೆ ಕೆಲಸ ಮುಗಿದಿದೆ. ಇವರೆಡೂ ಸಿನಿಮಾಗಳಿಗೆ ಭಾರ್ಗವ ನಾಯಕನಾಗಿ ಮೂರು ಮತ್ತು ನಾಲ್ಕನೇ ಅವಕಾಶ. ಲೋಕೇಶ್ವರರಾವ್ ನಿರ್ದೇಶನ, ಶ್ರೀಹರಿ-ಸತೀಶ್‌ರಾಜೇಂದ್ರನ್ ಛಾಯಾಗ್ರಹಣ, ಭಾರ್ಗವ ಸಂಕಲನ, ಸುವರ್ಣ ನಿರ್ಮಾಪಕಿ, ಕಾರ್ತಿಕ್‌ವೆಂಕಟೇಶ್ ಸಂಗೀತ ಮತ್ತು ಸಹ ನಿರ್ಮಾಪಕರಾಗಿದ್ದಾರೆ. ಒಳಾಂಗಣ ಚಿತ್ರೀಕರಣ ಘಟಕ, ಕ್ಯಾಮಾರ ಸಿಬ್ಬಂದಿ ಎಲ್ಲವು ಇರ ಸ್ಟುಡಿಯೋದೆ ಆಗಿರುತ್ತದೆ. ನಾಯಕಿ, ಸಹ ಕಲಾವಿದರ ಆಯ್ಕೆ ಸದ್ಯದಲ್ಲೆ ಮುಗಿಯಲಿದೆ. ಥ್ರಿಲ್ಲರ್ ಕತೆ ಹೊಂದಿರುವ ‘ಅದೊಂದೂರಲಿ’ ಸಿನಿಮಾದಲ್ಲಿ ಫೋಟೋಗ್ರಾಫರ್ ಊರಿಗೆ ಹೋದಾಗ ಒಂದಷ್ಟು ಘಟನೆಗಳು ಸಂಭವಿಸುತ್ತದೆ. ಅದನ್ನು ತನಿಖೆ ಮಾಡಲು ಹೊರಟಾಗ ಸನ್ನಿವೇಶಗಳು ಬಿಚ್ಚಿಕೊಳ್ಳುತ್ತದೆ. ಚಿಂತಾಮಣಿಯಲ್ಲಿ ನಡೆದ ಘಟನೆಯಾದರೂ, ಅಲ್ಲಿ ಅನುಮತಿ ಸಿಗದ ಕಾರಣ ಬೆಂಗಳೂರಿನಲ್ಲಿ ಚಿತ್ರೀಕರಿಸಲು ಯೋಜನೆ ರೂಪಿಸಿಕೊಂಡಿದ್ದು, ಮುಂದಿನ ತಿಂಗಳು ಶುರುವಾಗುವ ಸಾದ್ಯತೆ ಇದೆ.
‘ಟೆಡಿಬೇರ್’ನ್ನು ಸಾಮಾನ್ಯವಾಗಿ ಮಕ್ಕಳು, ಹೆಣ್ಣು ಮಕ್ಕಳು ಇಷ್ಟಪಡುವ ಕಾರಣ, ಉಡುಗೊರೆಯಾಗಿ ಕೊಡುವುದುಂಟು. ಇದೆ ಹೆಸರಿನಲ್ಲಿ ಹಾರರ್ ಚಿತ್ರ ಸೆಟ್ಟೇರುತ್ತಿದೆ. ಶೇಕಡ ೭೦ರಷ್ಟು ಒಳಾಂಗಣ, ಬಾಕಿ ೩೦ರಷ್ಟು ಕತೆಯು ಹೊರಗಡೆ ನಡೆಯಲಿದೆ. ಕುತೂಹಲವಾಗಿದ್ದರಿಂದ ಚಿತ್ರದ ಸಾರವನ್ನು ಗುಟ್ಟಾಗಿ ಇಡಲಾಗಿದೆ. ಸದರಿ ಸಿನಿಮಾ ವೀಕ್ಷಿಸಿದ ನಂತರ ಎಲ್ಲರಿಗೂ ಇದನ್ನು ಕಂಡ ಭಯ ಆಗುವುದುಂಟು. ಆದಿಲಕ್ಷೀ ಪ್ರೊಡಕ್ಷನ್ ಬ್ಯಾನರ್‌ದಲ್ಲಿ ಸಿದ್ದಗೊಳ್ಳುತ್ತಿರುವ ಸಿನಿಮಾಗಳು ಸೆಪ್ಟಂಬರ್‌ದಲ್ಲಿ ಶೂಟಿಂಗ್ ಮುಗಿಸಿ ಅಕ್ಟೋಬರ್‌ದಲ್ಲಿ ಜನರಿಗೆ ತೋರಿಸಲು ಏರ್ಪಾಡು ಮಾಡಿಕೊಳ್ಳಲಾಗಿದೆ.
