ಗೋವಿಂದ ಗೋವಿಂದ ಯು ಪ್ರಮಾಣಪತ್ರ
ಹಾಸ್ಯ ಚಿತ್ರ ‘ಗೋವಿಂದ ಗೋವಿಂದ’ ವೀಕ್ಷಿಸಿದ ಸೆನ್ಸಾರ್ ಮಂಡಳಿಯು ಸಂತಸಗೊಂಡು ಯಾವುದೇ ದೃಶ್ಯಕ್ಕೆ ಆಕ್ಷೇಪ ವ್ಯಕ್ತಪಡಿಸದೆ ಕ್ಲೀನ್ ಯು ಸರ್ಟಿಫೀಕೇಟ್ ನೀಡಿರುವುದು ತಂಡಕ್ಕೆ ಖುಷಿ ತಂದುಕೊಟ್ಟಿದೆ. ಮೂರು ದಶಕಕ್ಕೂ ಹೆಚ್ಚು ಕಾಲ ಚಿತ್ರರಂಗದಲ್ಲಿರುವ ಹಿರಿಯ ನಿರ್ಮಾಪಕ ಶೈಲೇಂದ್ರಬಾಬು ಪುತ್ರ ಸುಮಂತ್‌ಶೈಲೇಂದ್ರ ಅವರ ಸಲುವಾಗಿ ನಿರ್ಮಾಣ ಮಾಡಿದ್ದು ಎಲ್ಲಾ ಕಡೆಗಳಿಂದ ಪ್ರಶಂಸೆ ಬಂದಿದೆ. ಈಗಾಗಲೇ ಚಾನಲ್‌ರವರು ಒಳ್ಳೆ ಮೊತ್ತಕ್ಕೆ ಹಕ್ಕುಗಳನ್ನು ಖರೀದಿಸಿದ್ದಾರೆ. ಓಟಿಟಿದಿಂದ ಬೇಡಿಕೆ ಬಂದಿದೆ. ಮೊದಲು ಜನರಿಗೆ ತೋರಿಸಿ ನಂತರ ನಿರ್ಧಾರ ತೆಗೆದುಕೊಳ್ಳುವುದಾಗಿ ತಿಳಿಸಿದ್ದಾರೆ.
ಮತ್ತೋಂದು ಮುಖ್ಯ ಪಾತ್ರದಲ್ಲಿ ರೂಪೇಶ್‌ಶೆಟ್ಟಿ, ನಾಯಕಿಯರುಗಳಾಗಿ ಭಾವನಾ, ಕವಿತಾಗೌಡ ಇವರೊಂದಿಗೆ ಅಚ್ಯುತಕುಮಾರ್, ಶೋಭರಾಜ್, ವಿಮನೋಹರ್, ವಿಜಯ್‌ಚೆಂಡೂರು, ಪವನ್ ಮುಂತಾದವರು ನಟಿಸಿದ್ದಾರೆ. ಕಿರುತೆರೆಯಲ್ಲಿ ಹೆಸರು ಮಾಡಿರುವ ತಿಲಕ್ ಹಿರಿತೆರೆಗೆ ಆಕ್ಷನ್ ಕಟ್ ಹೇಳಿರುವುದು ಹೊಸ ಅನುಭವ. ಏಳು ಹಾಡುಗಳಿಗೆ ಹಿತನ್‌ಹಾಸನ್ ಸಂಗೀತ, ಕೆ.ಎಸ್.ಚಂದ್ರಶೇಖರ್ ಛಾಯಾಗ್ರಹಣವಿದೆ. ಮೆಘಾ ಧಾರವಾಹಿಗಳನ್ನು ನಿರ್ಮಿಸಿರುವ ರವಿ.ಆರ್.ಗರಣಿ ಅವರೊಂದಿಗೆ ಕಿಶೋರ್ ಹೀಗೆ ಮೂವರು ಸೇರಿಕೊಂಡು ಶ್ರೀ ಶೈಲೇಂದ್ರ ಪ್ರೊಡಕ್ಷನ್ಸ್, ಎಲ್.ಜಿ.ಕ್ರಿಯೇಶನ್ಸ್ ಮತ್ತು ರವಿಗರಣಿ ಪ್ರೊಡಕ್ಷನ್ಸ್ ಮೂಲಕ ಜಂಟಿಯಾಗಿ ಬಂಡವಾಳ ಹೂಡಿರುವ ಚಿತ್ರವು ಲಾಕ್‌ಡೌನ್ ತೆರೆವಾದ ಬಳಿಕ ಚಿತ್ರಮಂದಿರಕ್ಕೆ ಬರುವ ಸಾದ್ಯತೆ ಇದೆ.
