ಚಂದನವನದಲ್ಲಿ ಪ್ರಜ್ವಲ್‌ದೇವರಾಜ್ ಅಬ್ಬರ

      ಪ್ರಜ್ವಲ್‌ದೇವರಾಜ್ ಸದ್ಯ ‘ಅಬ್ಬರ’ ಮಾಡುತ್ತಿದ್ದಾರೆ. ಹಾಗಂತ ಇವರ ಮೇಲೆ ಆರೋಪ ಮಾಡುವುದು ಸರಿ ಅನಿಸುವುದಿಲ್ಲ. ಏಕೆಂದರೆ ಇವರು ಇದೇ ಹೆಸರಿನ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ತಂದೆ-ಮಗನ ಬಾಂದವ್ಯ, ಮೂವರು ಹುಡುಗಿಯರೊಂದಿಗೆ ಪ್ರೀತಿಗಳ ಸಂಘರ್ಷ, ಖಳನೊಂದಿಗೆ ಸೇಡು ಕುರಿತಾದ ಕತೆಯಾಗಿದೆ. ಸಂಪೂರ್ಣ ಮನರಂಜನೆ, ಸಾಹಸ, ಹಾಸ್ಯ ಮತ್ತು ಕುಟುಂಬಸಮೇತ  ನೋಡಬಹುದಾದ ಚಿತ್ರವಾಗಿರುವುದು ವಿಶೇಷ. ಸಾಹಿತಿ ಕೆ.ರಾಮನಾರಾಯಣ್ ಗ್ಯಾಪ್ ನಂತರ ಸಿನಿಮಾಗೆ ಕತೆ,ಚಿತ್ರಕತೆ,ಸಂಭಾಷಣೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. 

ಹಿತ್ಲಾಪುರದ ಬಸವರಾಜುಮಂಚಯ್ಯ ನಿರ್ಮಾಪಕರಾಗಿ ಎರಡನೆ ಪ್ರಯತ್ನ. ನಿಮಿಕಾರತ್ನಾಕರ್,ರಾಜಶ್ರೀಪೊನ್ನಪ್ಪ, ಲೇಖಾಚಂದ್ರ ನಾಯಕಿಯರು. ತಂದೆಯಾಗಿ ಶೋಭರಾಜ್, ಖಳನಾಗಿ ರವಿಶಂಕರ್ ಉಳಿದಂತೆ ಕೋಟೆಪ್ರಭಾಕರ್,ವಿಜಯ್‌ಚೆಂಡೂರ್, ಶಂಕರ್‌ಅಶ್ವಥ್, ಮಮತರಾವುತ್, ಕಾಮಿಡಿಕಿಲಾಡಿಗಳು ಖ್ಯಾತಿಯ ಗೋವಿಂದೇಗೌಡ ಮುಂತಾದವರು ಅಭಿನಯಿಸಿದ್ದಾರೆ.

       ಯೋಗರಾಜಭಟ್, ಪತ್ರಕರ್ತ ವಿಜಯಭರಮಸಾಗರ ಸಾಹಿತ್ಯದ ಗೀತೆಗಳಿಗೆ ರವಿಬಸ್ರೂರು ಸಂಗೀತ ಸಂಯೋಜಿಸಿದ್ದಾರೆ. ಛಾಯಾಗ್ರಹಣ ಜೆ.ಕೆ.ಗಣೇಶ್, ಸಂಕಲನ ವೆಂಕಟೇಶ್.ಯುಡಿವಿ, ಸಾಹಸ ಡ್ಯಾನಿ-ಪಳನಿರಾಜ್-ಮಾಸ್‌ಮಾದ ಅವರದಾಗಿದೆ. ಮಾತಿನ ಭಾಗದ ಚಿತ್ರೀಕರಣವು ಬೆಂಗಳೂರು ಸುತ್ತಮುತ್ತ ಮುಗಿದಿದ್ದು, ಹಾಡುಗಳಿಗೆ ಕರ್ನಾಟಕ ಸುಂದರ ತಾಣಗಳು ಅಥವಾ ವಿದೇಶಕ್ಕೆ ಹೋಗುವ ಇರಾದೆ ಇದೆ.