ಸಕ್ಸಸ್ ಕಂಡ ಗಾಳಿಪಟ-೨

       ‘ಗಾಳಿಪಟ-೨’ ನಿರೀಕ್ಷಿಸಿದಂತೆಯೇ ಯಶಸ್ಸನ್ನು ಸಾಧಿಸಿದೆ. ಎಲ್ಲಾ ಕೇಂದ್ರಗಳಲ್ಲಿ ದಾಖಲೆ ಮಾಡಿದೆ. ಸಂತೋಷಕೂಟದಲ್ಲಿ ಮಾತನಾಡಿದ ನಿರ್ಮಾಪಕ ರಮೇಶ್‌ರೆಡ್ಡಿ ನಾನು ಈ ಪರೀಕ್ಷೆಯಲ್ಲಿ ಉನ್ನತ ದರ್ಜೆಯಲ್ಲಿ ಪಾಸಾಗಿದ್ದೇನೆ. ಹಿಂದೆ ನಡೆದ ಕಾರ್ಯಕ್ರಮದಲ್ಲಿ ನನ್ನ ಹಿಂದಿನ ಎಲ್ಲಾ ಚಿತ್ರಗಳು ಸೋತಿದೆ. ಗಾಳಿಪಟ ಗೆದ್ದೇ ಗೆಲ್ಲುತ್ತದೆ ಎಂಬ ನಂಬಿಕೆ ಇತ್ತು. ಇದು ಸಕ್ಸಸ್ ಮೀಟ್ ಅಲ್ಲ. ಚಿತ್ರಕ್ಕೆ ನೀವೆಲ್ಲ ನೀಡಿದ ಬೆಂಬಲ, ಉತ್ತಮವಾದ ಬರಹ ಹಾಗೂ ವಿಮರ್ಶೆಗಳು ಚಿತ್ರದ ಗೆಲುವಿಗೆ ಸಹಕಾರಿಯಾದವು. ಪ್ರೇಕ್ಷಕರನ್ನು ಚಿತ್ರಮಂದಿರದತ್ತ ಕರೆತಂದವು. ಹಾಗಾಗಿ ಈ ಮೂಲಕ ನಿಮಗೆಲ್ಲ ಧನ್ಯವಾದಗಳನ್ನು ಹೇಳುತ್ತಿದ್ದೇನೆ ಎಂದು ಹೇಳಿದರು.

      ಸಿನಿಮಾ ಮೊದಲ ದಿನವೇ ಉತ್ತಮ ಓಪನಿಂಗ್ ಪಡೆದು ನಿರ್ಮಾಪಕರ ಮುಖದಲ್ಲಿ ಮಂದಹಾಸದ ನಗುವನ್ನು ಮೂಡಿಸಿದೆ. ರಾಜ್ಯಾದ್ಯಂತ ಅಭಿಮಾನಿಗಳು ಸಿನಿಮಾವನ್ನು ನೋಡಿ ಸಖತ್ ಎಂಜಾಯ ಮಾಡಿದ್ದಾರೆ. ಚಿತ್ರವು ಉತ್ತಮ ವಿಮರ್ಶೆ ಹಾಗೂ ಪ್ರತಿಕ್ರಿಯೆಯನ್ನು ಗಳಿಸಿಕೊಂಡಿದೆ. ನೋಡಿದವರೆಲ್ಲಾ ಗಣೇಶ್, ಯೋಗರಾಜಭಟ್ಟರ ಜೋಡಿ ಮತ್ತೋಮ್ಮೆ ಮೋಡಿ ಮಾಡಿದೆ ಎಂದೇ ಹೇಳುತ್ತಿದ್ದಾರೆ.

        ಸಮಾರಂಭದಲ್ಲಿ ಅನಂತನಾಗ್, ಗಣೇಶ್, ಯೋಗರಾಜಭಟ್, ಶ್ರೀನಾಥ್, ಪವನ್‌ಕುಮಾರ್ ನಾಯಕಿಯರಾದ ಶರ್ಮಿಳಾಮಾಂಡ್ರೆ, ವೈಭವಿಶಾಂಡಿಲ್ಯ, ಪದ್ಮಜರಾವ್, ಸಾಹಿತಿ ಜಯಂತ್‌ಕಾಯ್ಕಿಣಿ, ರಂಗಾಯಣರಘು ಸೇರಿದಂತೆ ಇಡೀ ತಂಡವು ಹಾಜರಿದ್ದು ಖುಷಿಯನ್ನು ಹಂಚಿಕೊಂಡರು.  ಈ ವಾರದಿಂದ ಚಿತ್ರವು ಎರಡನೇ ವಾರಕ್ಕೆ ಯಶಸ್ವಿಯಾಗಿ ಮುನ್ನುಗುತ್ತಿದೆ