ಕುತೂಹಲ ಹುಟ್ಟಿಸಿದ ಬಾಂಡ್ ರವಿ ಟೀಸರ್
‘ಪ್ರೀಮಿಯರ್ ಪದ್ಮಿನಿ’ದಲ್ಲಿ ಕಾರು ಚಾಲಕ, ‘ರತ್ನನ್ ಪ್ರಪಂಚ’ದಲ್ಲಿ ಉಡಾಳ್‌ಬಾಬು ಆಗಿ ಗುರುತಿಸಿಕೊಂಡಿದ್ದ ಪ್ರಮೋದ್ ಈಗ ‘ಬಾಂಡ್ ರವಿ’ ಚಿತ್ರದಲ್ಲಿ ಡಾ.ಪುನೀತ್‌ರಾಜ್‌ಕುಮಾರ್ ಅಭಿಮಾನಿಯಾಗಿ ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ. ಮೊನ್ನೆ ಬಿಡುಗಡೆಯಾದ ಟೀಸರ್‌ದಲ್ಲಿ ಪಂಚಿಂಗ್ ಹಾಗೂ ಮಾಸ್ ಡೈಲಾಗ್‌ಗಳು ಗಮನ ಸೆಳೆದಿದೆ. ಸಂಗೀತ ಸಂಯೋಜಕ ಮನೋಮೂರ್ತಿ ಮಾತನಾಡಿ ಈ ಸಿನಿಮಾದ ಬಗ್ಗೆ ಅಪಾರವಾದ ಭರವಸೆ ಇದೆ. ‘ಮುಂಗಾರು ಮಳೆ’ ಕೂಡ ಹೀಗೆ ಶುರುವಾಗಿ, ನಂತರ ಹಿಟ್ ಆಗಿತ್ತು. ನಾಯಕನಿಗೆ ತುಂಬಾ ಶೇಡ್ಸ್ ಇದೆ ಎಂದರು.
ನಾನು ಈ ಸಿನಿಮಾವನ್ನು ಇಷ್ಟಪಟ್ಟು ಮಾಡಿದ್ದೇನೆ. ಟೀಸರ್ ಈಗ ಹೊರಬಂದಿದ್ದು, ಟ್ರೇಲರ್‌ದಲ್ಲಿ ಮತ್ತೊಂದಷ್ಟು ವಿಷಯ ಹೇಳುತ್ತೇವೆ.
ಇದು ಗೆದ್ದೆಗೆಲ್ಲುತ್ತೇ ಅನ್ನೋ ಬಲವಾದ ನಂಬಿಕೆ ನಮಗಿದೆ. ನಿರ್ದೇಶಕರು ಅದ್ಬುತವಾದ ಕಥೆ ಮಾಡಿಕೊಂಡಿದ್ದು, ಕಂಟೆಂಟ್ ತುಂಬಾ ಶಕ್ತಿಶಾಲಿಯಾಗಿದೆ. ಜೈಲ್‌ದಲ್ಲಿ ಶೂಟಿಂಗ್ ಮಾಡಿದ್ದು ಮರೆಯಲಾಗದ ಅನುಭವ. ಈ ಸಿನಿಮಾದ ಮೂಲಕ ದೊಡ್ಡ ಮಟ್ಟದಲ್ಲಿ ಗೆದ್ದೆ ಗೆಲ್ಲುತ್ತೇನೆ ಎಂಬ ವಿಶ್ವಾಸ ತುಂಬಿದೆ ಅಂತಾರೆ ನಾಯಕ ಪ್ರಮೋದ್.
ಒಂದೊಳ್ಳೆ ಸಿನಿಮಾ ಮಾಡಿದ ತೃಪ್ತಿ ಸಿಕ್ಕಿದೆ. ನನ್ನ ಮೊದಲ ಚಿತ್ರದಲ್ಲೆ ಪ್ರಮೋದ್ ಅದ್ಬುತವಾಗಿ ನಟಿಸಿದ್ದಾರೆ. ಅವರ ಸಪೋರ್ಟ್ ಹೇಳಲಾಗದು ಅಂತ ಖುಷಿ ಹಂಚಿಕೊಂಡಿದ್ದು ನಿರ್ದೇಶಕ ಪ್ರಜ್ವಲ್.ಎಸ್.ಪಿ. ‘ಮಾದ ಮತ್ತು ಮಾನಸಿ’ ನಿರ್ಮಾಣ ಮಾಡಿದ್ದ ನರಸಿಂಹಮೂರ್ತಿ ಗ್ಯಾಪ್ ನಂತರ ಚಿತ್ರಕ್ಕೆ ಬಂಡವಾಳ ಹೂಡಿದ್ದಾರೆ. ಮಲ್ಲಿಕಾರ್ಜುನ್ ಕಾಶಿ ಹಾಗೂ ಝೇವಿಯರ್ ಫರ್ನಾಂಡಿಸ್ ಸಹ ನಿರ್ಮಾಪಕರು. ಕಾಜಲ್‌ಕುಂದರ್ ನಾಯಕಿಯಾಗಿ ಹೊಸ ಅನುಭವ. ತಾರಗಣದಲ್ಲಿ ಗೋವಿಂದೇಗೌಡ, ಪವನ್, ಧರ್ಮ, ವಿಜಯ್‌ಚೆಂಡೂರ್, ಶೋಭರಾಜ್ ಮುಂತಾದವರು ನಟಿಸಿದ್ದಾರೆ. ಛಾಯಾಗ್ರಹಣ ಕೆ.ಎಸ್.ಚಂದ್ರಶೇಖರ್, ಅರ್ಜುನ್‌ಕಿಟ್ಟು ಸಂಕಲನ, ಮಾತುಗಳಿಗೆ ದೇವ್.ಎನ್.ರಾಜ್ ಪೆನ್ನು ಕೆಲಸ ಮಾಡಿದೆ. ಬೆಂಗಳೂರು, ಕೊಡಚಾದ್ರಿ, ಕುದರೆಮುಖ, ಉಡುಪಿ, ಮಂಗಳೂರು ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಸಿನಿಮಾವನ್ನು ನವೆಂಬರ್‌ದಲ್ಲಿ ತೆರೆಗೆ ತರಲು ತಂಡವು ಯೋಜನೆ ರೂಪಿಸಿಕೊಂಡಿದೆ.
