ಪ್ರೀತಿ ಸ್ನೇಹ ಬದುಕು ಸಾರುವ ದಿ ಚೆಕ್ ಮೇಟ್
‘ದಿ ಚೆಕ್ ಮೇಟ್’ ಚಿತ್ರವೊಂದು ಕರೋನ ಮುಂಚೆ ಶುರುವಾಗಿ, ಈಗ ತನ್ನೆಲ್ಲಾ ಕೆಲಸಗಳನ್ನು ಮುಗಿಸಿಕೊಂಡು ಅಕ್ಟೋಬರ್ ೭ರಂದು ಜನರಿಗೆ ತೋರಿಸಲು ಸಜ್ಜಾಗಿದೆ. ಭಾರತೀಶ ವಷಿಷ್ಟ ಹಾಗೂ ಸಂತೋಷಚಿಪ್ಪಾಡಿ ನಿರ್ದೇಶಕರುಗಳು. ರಂಜನ್‌ಹಾಸನ್ ನಾಯಕನಾಗಿ ನಟಿಸುವ ಜತೆಗೆ ಜಗದ್ ಜ್ಯೋತಿ ಮೂವಿ ಮೇಕರ‍್ಸ್ ಬ್ಯಾನರ್ ಅಡಿಯಲ್ಲಿ ಬಂಡವಾಳ ಹೂಡಿದ್ದಾರೆ. ಪ್ರಚಾರದ ಮೊದಲ ಹಂತವಾಗಿ ಸಿನಿಮಾದ ಹಾಡು, ಟ್ರೇಲರ್‌ನ್ನು ಬಿಡುಗಡೆಗೊಳಿಸಿದೆ. ಚದುರಂಗ ಅಂದರೆ ಬುದ್ದಿವಂತರ ಆಟ ಎಂದೇ ಪ್ರಖ್ಯಾತಿ. ಚೆಸ್ ಆಧಾರವಾಗಿಟ್ಟುಕೊಂಡು ತಯಾರಿಸಿದ ಕಥೆ ಇದಾಗಿದೆ. ಪ್ರೀತಿ, ಸ್ನೇಹ, ಬದುಕು ಈ ಮೂರು ಅಂಶಗಳನ್ನು ಇಟ್ಟುಕೊಂಡು ಚಿತ್ರಕಥೆಯನ್ನು ಸಿದ್ದಪಡಿಸಲಾಗಿದೆ. ಇದರಲ್ಲಿ ಯಾವುದು ಪ್ರಮುಖ ಎಂದು ನಿರ್ಧರಿಸುವುದು ಕಷ್ಟ. ಬದುಕಿನ ಸಂದರ್ಭಕ್ಕೆ ತಕ್ಕಂತೆ ಎಲ್ಲವು ಬದಲಾಗುತ್ತದೆ ಎಂಬುದು ಸಾರಾಂಶವಾಗಿದೆ.
ಇದು ಕೇವಲ ಚಿತ್ರದ ಮೊದಲನೇ ಭಾಗ. ಎರಡನೇ ಭಾಗ ಬಾಕಿ ಇದೆಯಂತೆ. ರೌಂಡ್ ಓನ್ ಪ್ಲೇ ದ ಗೇಮ್ ಎಂದು ಅಡಿಬರಹದಲ್ಲಿ ಹೇಳಿಕೊಂಡಿದೆ. ನಾಲ್ಕು ಜನ ಸ್ನೇಹಿತರು ಬ್ರೇಕಪ್ ಪಾರ್ಟಿ ಮಾಡಲು ಒಂದೆಡೆ ಸೇರಿದಾಗ, ಅಲ್ಲಿ ನಡೆಯುವ ವಿಚಿತ್ರ ಅನುಭವಗಳು, ಚದುರಂಗದ ಆಟ. ಅದರ ಫಲಿತಾಂಶ ಏನು ಎಂಬುದನ್ನು ಹೇಳಲಾಗಿದೆ. ಪ್ರೀತುಪೂಜಾ ನಾಯಕಿ. ಇವರೊಂದಿಗೆ ನೀನಾಸಂಅಶ್ವಥ್, ವಿಶ್ವವಿಜೇತ್, ಸುದೀರ್‌ಕಾಕ್ರೋಚ್, ಪ್ರದೀಪ್‌ಪೂಜಾರಿ, ಸರ್ದಾರ್‌ಸತ್ಯ, ವಿಜಯ್‌ಚೆಂಡೂರು, ಚಿಲ್ಲರ್‌ಮಂಜು, ಕಾರ್ತಿಕ್‌ಹುಲಿ ಮುಂತಾದವರು ತಾರಾಬಳಗದಲ್ಲಿದ್ದಾರೆ. ಶಶಾಂಕ್‌ಶೇಷಗಿರಿ ಸಂಗೀತ, ಸತೀಶ್‌ರಾಜೇಂದ್ರನ್ ಛಾಯಾಗ್ರಹಣ, ಈ.ಎಸ್.ಈಶ್ವರ್-ಸುನೀಲ್‌ಕಶ್ಯಪ್ ಸಂಕಲನ, ವೈಲೆಂಟ್‌ವೇಲು ಸಾಹಸ ಚಿತ್ರಕ್ಕಿದೆ.
