ತಬಲಾನಾಣಿ, ಕುರಿಪ್ರತಾಪ್ ಆರ್‌ಸಿ ಬ್ರದರ‍್ಸ್
‘ಆರ್‌ಸಿ ಬ್ರದರ‍್ಸ್’ ಚಿತ್ರದಲ್ಲಿ ತಬಲಾನಾಣಿ ಮತ್ತು ಕುರಿಪ್ರತಾಪ್ ಅಣ್ಣತಮ್ಮನಾಗಿ ನಟಿಸಿದ್ದಾರೆ. ಸಂಭ್ರಮಶ್ರೀ, ಕಾಮಿಡಿ ಕಿಲಾಡಿಗಳು ಖ್ಯಾತಿಯ ನಯನ ಹಾಗೂ ನೀತುರಾಯ್ ನಾಯಕಿಯರು. ಪ್ರಕಾಶ್‌ಕುಮಾರ್ ಕಥೆ,ಚಿತ್ರಕಥೆ ಬರೆದು ನಿರ್ದೇಶನ ಮಾಡಿದ್ದಾರೆ. ಮಣಿಶಶಾಂಕ್ ಬಂಡವಾಳ ಹೂಡಿದ್ದು, ಸಹನಾಗಿರೀಶ್ ಸಹ ನಿರ್ಮಾಪಕರಾಗಿ ಕೈಜೋಡಿಸಿದ್ದಾರೆ. ಮೊನ್ನೆಯಷ್ಟೆ ಟೀಸರ್ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ನಿರ್ದೇಶಕರು ಮಾತನಾಡಿ ೨೦೧೧ರಲ್ಲಿ ಚಿತ್ರರಂಗಕ್ಕೆ ಬಂದು, ಪಿ.ಕುಮಾರ್, ಪ್ರೀತಂಗುಬ್ಬಿ ಅವರ ಬಳಿ ಕೆಲಸ ಮಾಡಿದ್ದೇನೆ. ಇಬ್ಬರು ಸಹೋದರರ ಮೇಲೆ ಮಾಡಿರುವ ಹಾಸ್ಯಮಯ ಕಥೆ ಇದಾಗಿದೆ. ಮದುವೆಯ ವಿಷಯದಲ್ಲಿ ಸಹೋದರಿಬ್ಬರ ನಡುವೆ ನಡೆಯುವ ಕಾಮಿಡಿ ಅಂಶಗಳನ್ನು ಹೇಳಲಾಗಿದೆ. ತಬಲಾನಾಣಿ ಸಂಭಾಷಣೆ ಬರೆದಿದ್ದು, ಸೋದರರ ನಡುವಿನ ಬಾಂದವ್ಯ, ಕೆಲ ವಿಚಾರಕ್ಕೆ ಅಗುವ ಜಗಳ, ಮತ್ತೆ ಅದನ್ನು ನಿಭಾಯಿಸಿಕೊಂಡು ಅವರು ಹೇಗೆ ಜೊತೆಗಿರುತ್ತಾರೆ ಎನ್ನುವುದು ಒಂದು ಏಳೆಯ ಸಾರಾಂಶವಾಗಿದೆ ಎಂದರು.
ವಕೀಲರಾಗಿರುವ ಮಣಿಶಶಾಂಕ್ ನಾಗತ್ತಿಹಳ್ಳಿ ಟೆಂಟ್ ಶಾಲೆಯಲ್ಲಿ ಡೈರಕ್ಷನ್ ಕೋರ್ಸ್ ಮಾಡಿದ್ದು, ತಬಲಾನಾಣಿ ಹೇಳಿದ್ದರಿಂದಲೇ ನಿರ್ಮಾಣ ಮಾಡಲಾಯಿತು. ಚಿತ್ರವು ಚೆನ್ನಾಗಿ ಬಂದಿದೆ ಅಂತ ಖುಷಿ ಹಂಚಿಕೊಂಡರು. ತಬಲಾನಾಣಿ ಹೇಳುವಂತೆ ಅಣ್ಣತಮ್ಮರ ಕಥೆ, ಸಹೋದರರಲ್ಲಿ ಕೂಡ ಸಮಸ್ಯೆ ಇರುತ್ತದೆ. ತಮ್ಮ ಪೋಲೀಸ್ ಆಗಿದ್ದರೆ, ನಾನು ಕೆಲಸವಿಲ್ಲದವನು, ಹೆಣ್ಣುಕೊಡೋಕೆ ಬಂದವರು ಮಗಳ ರಕ್ಷಣೆ ನೋಡುತ್ತಾರೆ. ನನ್ನ ನೋಡಲು ಬಂದು ತಮ್ಮನನ್ನು ಕೇಳುತ್ತಾರೆ. ಕೊನೆಯಲ್ಲಿ ಒಬ್ಬಳು ನನ್ನನ್ನು ಮದುವೆಯಾಗಲು ಒಪ್ಪಿ ಲೈಫ್ ಕೊಡುತ್ತಾಳೆ. ಇಡೀ ತಂಡವು ಸ್ನೇಹದಿಂದ ಕೆಲಸ ಮಾಡಿದೆ. ಇದು ನನಗೆ ೧೨೫ ಚಿತ್ರವೆಂದು ಮಾಹಿತಿ ನೀಡಿದರು.
