ಚಾಂದಿನಿ ಬಾರ್ ಹುಡುಗನ ಕಥನ
ಬಾರ್ ಎಂದಕೂಡಲೇ ಮಧುಲೋಕ ನೆನಪಿಗೆ ಬರುತ್ತದೆ. ಸುಖ-ದುಖ:ವನ್ನು ಮರೆಯಲು ಇಲ್ಲಿಗೆ ಬಂದು ತಮ್ಮ ತೀಟೆಯನ್ನು ತೀರಿಸಿಕೊಳ್ಳುತ್ತಾರೆ. ಆದರೆ ‘ಚಾಂದಿನಿ ಬಾರ್’ ಸಿನಿಮಾದ ಕಥೆಯು ಅಲ್ಲಿರುವ ಹುಡುಗನೊಬ್ಬ ಹೇಗೆ ಬದುಕುಕಟ್ಟಿಕೊಂಡ ಎಂಬುದನ್ನು ಹೇಳಿಲಿದೆ. ಜತೆಗೆ ಅಲ್ಲಿ ಕೆಲಸ ಮಾಡುವಾಗ ಆತನಲ್ಲಿ ಪ್ರೀತಿ ಹೇಗೆ ಹುಟ್ಟುತ್ತದೆ, ಯಾವ ರೀತಿ ಬ್ರೇಕ್‌ಅಪ್ ಆಗುತ್ತದೆ. ನಂತರ ಅವನ ಜೀವನ ಹೇಗೆ ಸಾಗುತ್ತದೆ ಎಂಬುದನ್ನು ಒಂದಷ್ಟು ಟ್ವಿಸ್ಟ್ ಅಂಡ್ ಟರ್ನ್ ಮೂಲಕ ತೋರಿಸಲಾಗುತ್ತದೆ. ಮುಖ್ಯವಾಗಿ ಬದುಕು, ಪ್ರೇಮ ಹಾಗೂ ಭಾವುಕತೆ ಪ್ರಧಾನವಾಗಿ ಒಳಗೊಂಡಿದೆ. ನಾಗತ್ತಿಹಳ್ಳಿ ಚಂದ್ರಶೇಖರ್, ಮಂಜುಸ್ವರಾಜ್ ಗರಡಿಯಲ್ಲಿ ಪಳಗಿರುವ ರಾಘವೇಂದ್ರಕುಮಾರ್ ನಿರ್ದೇಶನ ಮತ್ತು ನಾಯಕನಾಗಿ ಕಾಣಿಸಿಕೊಂಡಿದ್ದಾರೆ.
ಸುಕೃತಿಪ್ರಭಾಕರ್, ರಶ್ಮಿ ನಾಯಕಿಯರು. ಇವರೊಂದಿಗೆ ಸಿದ್ದುಬದನವಾಳು, ಮಣಿಕಂಠ, ಸಂಪತ್ ಮೈತ್ರೇಯಾ, ಸೂರ್ಯಶೇಖರ್,ಶ್ರೀವತ್ಸ, ರವಿಕುಮಾರ್,ಭರತ್‌ಕುಮಾರ್ ಮುಂತಾದವರು ನಟಿಸಿದ್ದಾರೆ.
ಮೈಸೂರು ಸುತ್ತಮುತ್ತ ಚಿತ್ರೀಕರಣ ನಡೆಸಿದ್ದು, ಅದೇ ಜಾಗದಲ್ಲಿ ಬಾರ್ ಸೆಟ್ ಹಾಕಿ ದೃಶ್ಯಗಳನ್ನು ಸೆರೆಹಿಡಿಯಲಾಗಿದೆ. ವಿಶಾಖನಾಗಲಾಪುರ ಮತ್ತು ಕಾರ್ತಿಕ್‌ನಾಗಲಾಪುರ ಸಂಗೀತ, ರಿತ್ವಿಕ್‌ಮುರಳಿಧರ್ ಹಿನ್ನಲೆ ಶಬ್ದ, ಚೇತನ್‌ಶರ್ಮ ಛಾಯಾಗ್ರಹಣ ಚಿತ್ರಕ್ಕಿದೆ. ಸೆನ್ಸಾರ್‌ನಿಂದ ಯುಎ ಪ್ರಮಾಣಪತ್ರ ದೊರಕಿದ್ದು, ಆಗಸ್ಟ್ ತಿಂಗಳಲ್ಲಿ ಬಿಡುಗಡೆ ಮಾಡುವ ಯೋಜನೆ ಇದೆ.
