ವೈರಲ್ ಆಯ್ತು ಗಿರ್ಕಿ ಟೀಸರ್
‘ಗಿರ್ಕಿ’ ಚಿತ್ರದ ಟೀಸರ್‌ನ್ನು ನಟ ಶರಣ್ ಬಿಡುಗಡೆ ಮಾಡಿದ್ದು ವೈರಲ್ ಆಗಿದೆ. ವಿಶ್ವ ಬಂಡವಾಳ ಹೂಡುವ ಜತೆಗೆ ಪ್ರಮುಖ ಪಾತ್ರದಲ್ಲಿ ನಟಿಸಿದ್ದಾರೆ. ವಾಸುಕಿಭುವನ್ ಇವರೊಂದಿಗೆ ಕೈ ಜೋಡಿಸಿದ್ದಾರೆ. ಎಲ್ಲರ ಪರಿಶ್ರಮದಿಂದ ಚಿತ್ರವು ಚೆನ್ನಾಗಿ ಬಂದಿದೆಯಂತೆ.
ಸುತ್ತಾಟ ಹಾಗೂ ಪರ್ಯಟನೆ ಶೀರ್ಷಿಕೆಗೆ ಅರ್ಥ ಕೊಡುತ್ತದೆ. ಪ್ರೀತಿ, ಹಾಸ್ಯ, ಕೌಟಂಬಿಕ ಎಲ್ಲಾ ತರಹದ ಮಿಶ್ರಣ ಚಿತ್ರದಲ್ಲಿ ಒಳಗೊಂಡಿದೆ. ಸಂಪೂರ್ಣ ಚಿತ್ರೀಕರಣ ಬೆಂಗಳೂರಿನಲ್ಲಿ ನಡೆದಿದೆ. ಜಯಂತ್‌ಕಾಯ್ಕಣಿ, ಯೋಗರಾಜಭಟ್ ಹಾಡುಗಳನ್ನು ಬರೆದಿದ್ದೇವೆ. ನಿರ್ದೇಶಕರಾಗಿ ವೀರೇಶ್‌ಗೆ ಹೊಸ ಅನುಭವ. ಮತ್ತೋಂದು ಮುಖ್ಯ ಪಾತ್ರದಲ್ಲಿ ನಟಿಸಿರುವ ವಿಲೋಕ್, ನಾಯಕಿಯರಾದ ದಿವ್ಯಉರುಡಗ, ರಾಶಿಮಹದೇವ ಇವರೊಂದಿಗೆ ರಂಗಾಯಣರಘು, ದತ್ತಣ್ಣ ಮುಂತಾದವರು ನಟಸಿದ್ದಾರೆ. ವೀರಸಮರ್ಥ ಸಂಗೀತದಲ್ಲಿ ಹಾಡುಗಳು ಮೂಡಿಬಂದಿದೆ. ಕ್ರೈಂ ಅಂಶಗಳು ಇರುವ ಕಾರಣ ಹಿನ್ನಲೆ ಸಂಗೀತಕ್ಕೆ ಹೆಚ್ಚು ಸ್ಕೋಪ್ ಇದೆಯಂತೆ. ಮೂರು ಸಾಹಸಕ್ಕೆ ವಿನೋದ್-ಮಾಸ್‌ಮಾದ, ಛಾಯಾಗ್ರಹಣ ನವೀನ್, ಸಂಕಲನ ಮಧು ತುಂಬಿಕೆರೆ ಅವರದಾಗಿದೆ ಜುಲೈ ೮ರಂದು ಚಿತ್ರವು ಬಿಡುಗಡೆಯಾಗಲಿದೆ.
