ಸೂತ್ರಧಾರಿಯಲ್ಲಿ ಚಂದನ್‌ಶೆಟ್ಟಿ-ಸಂಜನಾಆನಂದ್ ಹಾಡು
ಮೈ ಮೂವೀ ಬಜಾರ್ ಖ್ಯಾತಿಯ ನಟ, ನಿರ್ದೇಶಕ ನವರಸನ್ ನಿರ್ಮಾಣದ ‘ಸೂತ್ರಧಾರಿ’ ಸಿನಿಮಾದ ಚಿತ್ರೀಕರಣವು ಶೇಕಡ ೯೦ರಷ್ಟು ಮುಗಿದಿದೆ. ಈಗ ಹೊಸ ವರ್ಷದ ಸಂಭ್ರಮಾಚರಣೆಗೆಂದು ಡ್ಯಾಶ್ ಸಾಂಗ್ ಬಿಡುಗಡೆ ಕಾರ್ಯಕ್ರಮ ನಡೆಯಿತು. ಚಿತ್ರದ ಮೊದಲ ಹಾಡಿನ ಶೂಟಿಂಗ್ ನೃತ್ಯ ಸಂಯೋಜಕ ಭಜರಂಗಿ ಮೋಹನ್ ಸಾರಥ್ಯದಲ್ಲಿ ಇನೋವೇಟಿವ್ ಫಿಲ್ಮ್ ಸಿಟಿಯಲ್ಲಿ ಅದ್ದೂರಿಯಾಗಿ ಸೆರೆಹಿಡಿಯಲಾಗಿದೆ. ತನ್ನ ಹಾಡುಗಳ ಮೂಲಕ ಹುಡುಗ, ಹುಡುಗಿಯರ ಮನಗೆದ್ದಿರುವ ಚಂದನ್‌ಶೆಟ್ಟಿ ನಾಯಕನಾಗಿ ಅಭಿನಯಿಸುತ್ತಿದ್ದಾರೆ. ಹಾಗಾಗಿ ಹೀರೋ ಇಂಟ್ರಡಕ್ಷನ್ ಸಾಂಗ್ ಆಗಿದ್ದು, ಸಂಗೀತ ನಿರ್ದೇಶಕ ಮತ್ತು ಗಾಯಕ, ನಾಯಕರಾಗಿ ಅಭಿನಯಿಸಿದ್ದಾರೆ. ಗೀತೆಯಲ್ಲಿ ಇವರೊಂದಿಗೆ ಸಲಗ ಖ್ಯಾತಿಯ ಸಂಜನಾಆನಂದ್ ಹೆಜ್ಜೆ ಹಾಕಿದ್ದಾರೆ.
ಕಿರಣ್‌ಕುಮಾರ್ ನಿರ್ದೇಶನವಿದೆ. ನಾಯಕಿ ಅಪೂರ್ವ ಉಳಿದಂತೆ ಗಣೇಶ್‌ನಾರಾಯಣ್, ತಬಲನಾಣಿ ಮುಂತಾದವರು ಅಭಿನಯಿಸುತ್ತಿದ್ದಾರೆ. ಛಾಯಾಗ್ರಹಣ ಪಿಕೆಹೆಚ್ ದಾಸ್, ಸಂಭಾಷಣೆ ಕಿನ್ನಾಳ್‌ರಾಜ್, ಸಂಕಲನ ಸತೀಶ್‌ಚಂದ್ರಯ್ಯ ಅವರದಾಗಿದೆ.
