ಶ್ರೀ ಬಾಲಾಜಿ ಫೋಟೋ ಸ್ಟುಡಿಯೋ ಟ್ರೇಲರ್ ಬಿಡುಗಡೆ
ಆಕರ್ಷಕ ಶೀರ್ಷಿಕೆ ಹೊಂದಿರುವ ‘ಶ್ರೀ ಬಾಲಾಜಿ ಫೋಟೋ ಸ್ಟುಡಿಯೋ’ ಚಿತ್ರದ ಟ್ರೇಲರ್ ಮೊನ್ನೆ ಚಾಮುಂಡೇಶ್ವರಿ ಸ್ಟುಡಿಯೋದಲ್ಲಿ ಬಿಡುಗಡೆಗೊಂಡಿತು. ‘ಗಂಧದಗುಡಿ’ ನಿರ್ದೇಶಕ ಅಮೋಘವರ್ಷ ಮತ್ತು ಶಿಶಿರ್ ಅತಿಥಿಯಾಗಿ ಆಗಮಿಸಿ ತಂಡಕ್ಕೆ ಶುಭ ಹಾರೈಸಿದರು.
ನಿರ್ದೇಶಕ ಹಾಗೂ ಮುಖ್ಯ ಪಾತ್ರದಲ್ಲಿ ಅಭಿನಯಿಸಿರುವ ರಾಜೇಶ್‌ಧ್ರುವ ಸಿನಿಮಾ ಹುಟ್ಟಿದ ಬಗೆಯನ್ನು ನೆನಪು ಮಾಡಿಕೊಂಡರು. ಸೃಜನ ಪ್ರೊಡಕ್ಷನ್ ಅಡಿಯಲ್ಲಿ ವೆಂಕಟೇಶ್ವರರಾವ್, ಬಳ್ಳಾರಿ ನಿರ್ಮಾಣ ಮಾಡಿದ್ದಾರೆ. ಒಬ್ಬ ಫೋಟೋಗ್ರಾಫರ್ ಹಾಗೂ ಫೋಟೋ ಸ್ಟುಡಿಯೋ ನಡುವಿನ ಭಾವನಾತ್ಮಕ ಸಂಬಂದ ಜತೆಗೊಂಡು ನವಿರಾದ ಪ್ರೀತಿ ಕಥೆ ಇರಲಿದೆ. ತಾರಗಣದಲ್ಲಿ ರವಿಸಾಲಿಯಾನ್, ರಾಧಿಕಾಅಚ್ಯುತರಾವ್, ಸಂಪತ್.ಜಿ.ರಾಮ್, ಕಾಮಿಡಿ ಕಿಲಾಡಿಗಳು ಸೀಸನ್ ೪ರ ಶುಭಲಕ್ಷೀ, ಕನ್ಯಾಕುಮಾರಿ ಧಾರವಾಹಿಯ ನಕಲ್‌ಶರ್ಮ, ರಕ್ಷಿತ್, ಬಿಗ್‌ಬಾಸ್ ೪ರ ರವಿಮೂರೂರು, ವಿಶೇಷ ಪಾತ್ರದಲ್ಲಿ ಶಿಶಿರ್ ಇವರೊಂದಿಗೆ ಹೊಸಬರಿಗೆ ಅವಕಾಶ ಮಾಡಿಕೊಡಲಾಗಿದೆ.
ಉತ್ತರ ಕನ್ನಡ ಭಾಷೆ ಇರುವುದರಿಂದ ಶಿರಸಿ, ಹೊನ್ನಾವರ, ಯಲ್ಲಾಪುರ ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಪ್ರಮೋದ್‌ಮರವಂತೆ ಸಾಹಿತ್ಯದ ಹಾಡುಗಳಿಗೆ ಶ್ರೀರಾಮ್‌ಗಂಧರ್ವ ಸಂಗೀತ, ಮನೋಜ್ ಛಾಯಾಗ್ರಹಣ, ಸ್ವಸ್ತಿಕ್‌ಕಾರೆಕಾಡ್ ಹಿನ್ನಲೆಶಬ್ದ, ಗಣಪತಿಭಟ್ ಸಂಕಲನವಿದೆ. ಸಿನಿಮಾವು ಜನವರಿ ೬ರಂದು ತೆರೆಗೆ ಬರಲಿದೆ.
