ಛೂ ಮಂತರ್ ಅಂತಾರೆ ಶರಣ್
ಜನರನ್ನು ನಗಿಸುತ್ತಿರುವ ಶರಣ್ ಈಗ ಹಾರರ್ ಚಿತ್ರ ‘ಛೂ ಮಂತರ್’ದಲ್ಲಿ ನಟಿಸಿದ್ದಾರೆ. ಪ್ರಚಾರದ ಮೊದಲ ಹಂತವಾಗಿ ಮೋಷನ್ ಪೋಸ್ಟರ್ ಬಿಡುಗಡೆ ಸಮಾರಂಭವು ನಡೆಯಿತು. ಈ ಸಂದರ್ಭದಲ್ಲಿ ಮಾತನಾಡಿದ ಶರಣ್ ನಾನು ಚಿಕ್ಕ ವಯಸ್ಸಿನಿಂದಲೂ ಹಾರರ್ ಚಿತ್ರಗಳ ಅಭಿಮಾನಿ. ಇಂತಹ ಸಿನಿಮಾಗಳನ್ನು ಸಾಕಷ್ಟು ನೋಡಿದ್ದೇನೆ. ನವನೀತ್ ಚೆನ್ನಾಗಿ ಕಥೆಯನ್ನು ಮಾಡಿಕೊಂಡಿದ್ದಾರೆ. ಮಿತ್ರ ತರುಣ್‌ಸುಧೀರ್ ಸಾರಾಂಶ ಕೇಳಿ ಖುಷಿಪಟ್ಟಿದ್ದಾರೆ. ಚಿಕ್ಕಣ್ಣ ಜೊತೆಗಿನ ಕಾಂಬಿನೇಷನ್ ಇದರಲ್ಲಿ ಮುಂದುವರೆದಿದೆ. ಅನೂಪ್‌ಕಟ್ಟಿಕಾರನ್ ಛಾಯಾಗ್ರಹಣ ಹೈಲೈಟ್ ಆಗಿದೆ ಎಂದರು.
ಸರ್ ಅವರೊಂದಿಗೆ ಕೆಲಸ ಮಾಡಿದ್ದು ಸಂತಸ ತಂದಿದೆ. ಶೀರ್ಷಿಕೆ ಫ್ಯಾನ್ಸಿ ಪದ. ತುಂಬಾ ಕಡೆ ಇದನ್ನು ಬಳಸುತ್ತಾರೆ. ಮೂರು ಕಥೆಗಳು ಇರಲಿದ್ದು, ಎಲ್ಲದರಲ್ಲಿ ಶರಣ್ ನಾಯಕ ಆಗಿರುತ್ತಾರೆ. ಕಾಮಿಡಿ, ಥ್ರಿಲ್ಲರ್ ಇರಲಿದೆ ಎಂದು ನಿರ್ದೇಶಕ ನವನೀತ್ ಮಾಹಿತಿ ತೆರೆದಿಟ್ಟರು.
ನಮ್ಮ ಸಂಸ್ಥೆಯಿಂದ ನಿರ್ಮಾಣವಾಗಿರುವ ಐದನೇ ಚಿತ್ರ. ನಿರ್ದೇಶಕರ ಜೋಡಿಯಲ್ಲಿ ಉಪೇಂದ್ರ ಸಿನಿಮಾ ಮಾಡಬೇಕಿತ್ತು. ಕಾರಣಾಂತರದಿಂದ ಮುಂದಕ್ಕೆ ಹೋಯಿತು. ಅಷ್ಟರಲ್ಲಿ ನವನೀತ್ ಈ ಕಥೆಯನ್ನು ಸಿದ್ದ ಮಾಡಿಟ್ಟುಕೊಂಡಿದ್ದರು. ಬೆಂಗಳೂರು, ಮೈಸೂರು, ಉತ್ತರಕಾಂಡದ ಸುಂದರ ತಾಣಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ ಅಂತ ನಿರ್ಮಾಪಕ ತರುಣ್‌ಶಿವಪ್ಪ ಹೇಳಿದರು.
ನಾಯಕಿಯರಾದ ಅದಿತಿಪ್ರಭುದೇವ, ಮೇಘನಾಗಾಂವ್ಕರ್,ರಜನಿಭಾರದ್ವಾಜ್ ಪ್ರಭುಮುಂಡ್ಕರ್, ಧರ್ಮ, ಪಾತ್ರದ ಪರಿಚಯ ಮಾಡಿಕೊಂಡರು. ಉಳಿದಂತೆ ಓಂಪ್ರಕಾಶ್‌ರಾವ್, ಶಂಕರ್‌ಅಶ್ವಥ್ ಮುಂತಾದವರು ನಟಿಸಿದ್ದಾರೆ. ಚಂದನ್‌ಶೆಟ್ಟಿ ಸಂಗೀತ, ಅವಿನಾಶ್ ಹಿನ್ನಲೆ ಶಬ್ದವಿದೆ.
