*"ಹೇ ಬ್ರೋ" ಎನ್ನುತ್ತಾ ಬಂದ ಸೂರಜ್ ಮುಖೇಶ್*

 *ಅದ್ದೂರಿ ಆಲ್ಬಮ್ ಸಾಂಗ್ ಬಿಡುಗಡೆ ಮಾಡಿ ಹಾರೈಸಿದ ಸಿನಿ ದಿಗ್ಗಜರು.*

ಚಿಕ್ಕ ವಯಸ್ಸಿನಿಂದಲೂ ಅಭಿನಯದ ಬಗ್ಗೆ ಆಸಕ್ತಿ ಹೊಂದಿರುವ ಸೂರಜ್ ಮುಖೇಶ್ ತಮ್ಮ ಮೊದಲ ಹೆಜ್ಜೆಯಾಗಿ "ಹೇ ಬ್ರೋ" ಎಂಬ ಆಲ್ಬಂ ಸಾಂಗ್ ನಲ್ಲಿ ನಟಿಸಿದ್ದಾರೆ. ಇತ್ತೀಚಿಗೆ ಈ ಆಲ್ಬಂ ಸಾಂಗ್ ನ ಬಿಡುಗಡೆ ಹಾಗೂ ತನ್ವಿ ಪಿಕ್ಚರ್ಸ್ ಬ್ಯಾನರ್ ನ ಅನಾವರಣ ಸಮಾರಂಭ ನಡೆಯಿತು. ಆನಂದ್ ಆಡಿಯೋ ಮೂಲಕ "ಹೇ ಬ್ರೋ" ಹಾಡು ಬಿಡುಗಡೆಯಾಗಿದೆ. ಖ್ಯಾತ ನಟ  ನೀನಾಸಂ ಸತೀಶ್ ಹಾಗೂ ಖ್ಯಾತ ಸಿಂಗರ್ ALL OK "ಹೇ ಬ್ರೋ" ವಿಡಿಯೋ ಹಾಡನ್ನು ಬಿಡುಗಡೆ ಮಾಡಿದರು. ನಟ ಪ್ರಮೋದ್ ಹಾಗೂ ಚಿತ್ರರಂಗದ ಹೆಸರಾಂತ ನಿರ್ಮಾಪಕರು ಸೇರಿ ತನ್ವಿ‌ ಪಿಕ್ಚರ್ಸ್ ಬ್ಯಾನರ್ ಅನಾವರಣ ಮಾಡಿದರು. ಧನ್ಯ ರಾಮಕುಮಾರ್,  ಅನನ್ಯ ಶೆಟ್ಟಿ, ಶರಣ್ಯ ಶೆಟ್ಟಿ ಹಾಗೂ ನಿರ್ದೇಶಕ ಮಹೇಶ್ ಕುಮಾರ್, ಆನಂದ್ ಆಡಿಯೋದ ಆನಂದ್  ಮುಂತಾದವರು ಸಮಾರಂಭಕ್ಕೆ ಅ ನಾ ವರ್ಷ ಶುಭ ಕೋರಿದರು.

ಸೂರಜ್ ಈ ಹಾಡಿನಲ್ಲಿ ಚೆನ್ನಾಗಿ ಅಭಿನಯಿಸಿದ್ದ ಕರೆ. ಯಾವುದಾದರೂ ಕೆಲಸ ಮಾಡಬೇಕು ಅನಿಸಿದಾಗ ಅದನ್ನು ಮಾಡಲೇ ಬೇಕು.  ಆ ರೀತಿಯ ಛಲ ಇದ್ದರೆ ಖಂಡಿತವಾಗಿಯೂ ಗೆಲುವು ಸಿಗುತ್ತದೆ.  ಸೂರಜ್ ಹಾಗೂ ತನ್ವಿ ಪಿಕ್ಚರ್ಸ್ ಗೆ ಒಳ್ಳೆಯದಾಗಲಿ ಎಂದು ನಟ ನೀನಾಸಂ ಸತೀಶ್ ಹಾರೈಸಿದರು. ನಟ ಪ್ರಮೋದ್ ಹಾಗೂ ALL OK ಸಹ ತಮ್ಮ. ಪ್ರೋತ್ಸಾಹಭರಿತ ಮಾತುಗಳ ಮೂಲಕ ಸೂರಜ್ ಮುಖೇಶ್ ಅವರಿಗೆ ಶುಭ ಕೋರಿದರು.

ನಾನು ಹಾಸ್ಟೆಲ್ ನಲ್ಲಿ ಓದುವಾಗ ಚಿತ್ರೀಕರಣ ನೋಡಿದ್ದೆ. ಅಲ್ಲಿ ನಟ-ನಟಿಯರನ್ನು ನೋಡಲು ಸಾಕಷ್ಟು ಜನರು ಬರುತ್ತಿದ್ದರು. ಆಗಿನಿಂದಲೂ ನನಗೆ ಅಭಿನಯದಲ್ಲಿ ಆಸಕ್ತಿ. ನನ್ನ ತಂದೆ - ತಾಯಿ ಇಂದು ನನ್ನ ಆಸೆ ಈಡೇರಿಸಿದ್ದಾರೆ. ಮೊದಲ ಹೆಜ್ಜೆಯಾಗಿ ಈ ಹಾಡಿನಲ್ಲಿ ಅಭಿನಯಿಸಿದ್ದೇನೆ. ಇಲ್ಲಿಗೆ ಬಂದಿರುವ ಗಣ್ಯರಿಗೆ ಹಾಗೂ ಹಾಡು ಸುಂದರವಾಗಿ ಬರಲು ಸಹಕಾರ ನೀಡಿದ ತಂಡಕ್ಕೆ ಸೂರಜ್ ಮುಖೇಶ್ ಧನ್ಯವಾದ ತಿಳಿಸಿದರು.

ನಮ್ಮ‌ ಮಗಳ ಹೆಸರು ತನ್ವಿ. ಇವತ್ತು ಅವಳ ಹುಟ್ಟುಹಬ್ಬ.  ಹಾಗಾಗಿ ಇಂದು " ತನ್ವಿ ಪಿಕ್ಚರ್ಸ್ " ಪ್ರಾರಂಭಿಸಿದ್ದೇವೆ. ಇದರ ಮೊದಲ ಹೆಜ್ಜೆಯಾಗಿ ನಮ್ಮ ಮಗ ಸೂರಜ್ ಅಭಿನಯಿಸಿರುವ "ಹೇ ಬ್ರೋ" ಆಲ್ಬಂ ಸಾಂಗ್ ಬಿಡುಗಡೆ ಮಾಡಿದ್ದೇವೆ. ಒಳ್ಳೆಯ ಕಥೆ ಸಿಕ್ಕರೆ, ಸಿನಿಮಾ ಕೂಡ ಮಾಡುತ್ತೇವೆ. ನಿಮ್ಮೆಲ್ಲರ ಪ್ರೋತ್ಸಾಹವಿರಲಿ ಎಂದರು ನಿರ್ಮಾಪಕಿ ಸುಮಿತ್ರ ಮುಖೇಶ್. ಈ ಸಮಯದಲ್ಲಿ ಉದ್ಯಮಿ ಮುಖೇಶ್ ಅವರು ಸಹ ಉಪಸ್ಥಿತರಿದ್ದರು.

"ಹೇ ಬ್ರೋ" ಹಾಡನ್ನು ರಿಕ್ಕಿ ಗೌತಮ್ ಬರೆದು, ನಿರ್ದೇಶನ ಮಾಡಿದ್ದಾರೆ. ವಿಜೇತ್ ಕೃಷ್ಣ ಅವರು ಸಂಗೀತ ನೀಡಿರುವುದಲ್ಲದೆ, ಇಂಪಾಗಿ ಹಾಡಿದ್ದಾರೆ.