ಹೊರಬಂತು ಯು ಟರ್ನ್-೨ ಟ್ರೇಲರ್
ಹಾರರ್ ಅಂಶಗಳನ್ನು ಒಳಗೊಂಡಿದ್ದು, ಪಿಜ್ಜಾ ಸರಬರಾಜು ಮಾಡುವ ವ್ಯಕ್ತಿಯ ಸುತ್ತ ಕಥೆ ಹೋಗುವ ‘ಯು ಟರ್ನ್ ೨’ ಸಿನಿಮಾದ ಟ್ರೇಲರ್‌ನ್ನು ಶಾಸಕ ಸತೀಶ್‌ರೆಡ್ಡಿ ಬಿಡುಗಡೆ ಮಾಡಿ ತಂಡಕ್ಕೆ ಶುಭ ಹಾರೈಸಿದರು. ಬೆಂಗಳೂರು, ಬಿಡದಿ, ಹೊನ್ನಾವರ ಸುಂದರ ತಾಣಗಳಲ್ಲಿ ಚಿತ್ರೀಕರಣ ನಡೆದಿದೆ. ನೋಡುಗರು ಇಷ್ಟಪಡುವಂತಹ ಚಿತ್ರಕಥೆ ಇರಲಿದ್ದು, ಜತೆಗೆ ಸಾಮಾಜಿಕ ಸಂದರ್ಭಗಳ ಸನ್ನಿವೇಶಗಳು ಕಾಣಿಸಿಕೊಳ್ಳಲಿದೆ. ಚಿತ್ರಕಥೆ,ಸಂಭಾಷಣೆ, ಸಾಹಿತ್ಯ, ಸಂಗೀತ, ನಿರ್ದೇಶನ ಮಾಡಿರುವ ಚಂದ್ರುಓಬಯ್ಯ ಒಂದು ಪಾತ್ರಕ್ಕೆ ಬಣ್ಣ ಹಚ್ಚಿದ್ದಾರೆ. ಇದಕ್ಕೂ ಮುನ್ನ ಇವರು ಎರಡು ಕಾದಂಬರಿ ಮತ್ತು ಎರಡು ಕಿರುಕಥೆಗಳನ್ನು ಬರೆದಿದ್ದು, ಅಲ್ಲದೆ ೨೦ ಹಾಡುಗಳನ್ನು ರಚಿಸಿದ್ದಾರೆ.
ಎಸ್.ಎಂ.ಪ್ರೊಡಕ್ಷನ್ಸ್ ಮೂಲಕ ಬಂಡವಾಳ ಹೂಡಿರುವ ಆನಂದ್ ಸಂಪಂಗಿ ಮುಖ್ಯ ಪಾತ್ರದಲ್ಲಿ ನಟಿಸಿದ್ದಾರೆ. ತಾರಾಗಣದಲ್ಲಿ ತಿಥಿಪೂಜಾ, ಸ್ನೇಹಾಭಟ್, ಮಂಜುಪಾವಗಡ, ಕರಿಸುಬ್ಬು, ರಾಘುರಮನಕೊಪ್ಪ, ಡಾ.ವಿ.ನಾಗೇಂದ್ರಪ್ರಸಾದ್, ಚಿಲ್ಲರ್‌ಮಂಜು, ಡಿಂಗ್ರಿನಾಗರಾಜ್ ಮುಂತಾದವರ ಅಭಿನಯವಿದೆ. ಚಿತ್ರದಲ್ಲಿ ಸಂಗೀತವು ಭಾವನೆಗಳಿಗೆ ಒತ್ತುಕೊಡಲಿದ್ದು, ನಿರೂಪಣೆ ಅರ್ಥಪೂರ್ಣವಾಗಿದೆ. ಛಾಯಾಗ್ರಹಣ ನವೀನ್‌ತುರುವೇಕೆರೆ, ಸಂಕಲನ ಅಮೀತ್‌ಜಾವಲ್ಕರ್, ನೃತ್ಯ ನಾಗಿ ನಿರ್ವಹಿಸಿದ್ದಾರೆ. ಸಿನಿಮಾವು ಡಿಸೆಂಬರ್ ೧೬ರಂದು ತೆರೆಗೆ ಬರಲು ಸಜ್ಜಾಗಿದೆ.
