ಶಿವಾಜಿ ಸುರತ್ಕಲ್ ಭಾಗ-೩ಕ್ಕೆ ಸಿದ್ದತೆ

      ‘ಶಿವಾಜಿಸುರತ್ಕಲ್-೨’ ಚಿತ್ರವು ಬಿಡುಗಡೆಗೊಂಡು ಯಶಸ್ವಿಯಾಗಿತ್ತು. ಇದೇ ಖುಷಿಯಿಂದ ನಿರ್ದೇಶಕ ಆಕಾಶ್‌ಶ್ರೀವತ್ಸ ಮುಂದೆ ಭಾಗ-೩ ಮತ್ತು ೪ ಕಥೆ ಬಗ್ಗೆ ಚರ್ಚೆ ಈಗಾಗಲೇ ಆಗಿದೆ. ಯಾವ ಮಟ್ಟದಲ್ಲಿ ಮುಂದಿನ ಭಾಗಗಳನ್ನು ಚಿತ್ರಿಸಬೇಕೆಂದು ನಿರ್ಧರಿಸಲಾಗಿದೆ. ಮೊದಲ ಭಾಗಕ್ಕಿಂತ ಎರಡನೇ ಭಾಗವು ಹೆಚ್ಚು ಪ್ರೇಕ್ಷಕರನ್ನು ಸೆಳೆದಿತ್ತು. ಭಾಗ-೧ ರಿಮೇಕ್ ಹಕ್ಕುಗಳು ಸೇಲ್ ಆಗಿದೆ. ಅದರಂತೆ ಭಾಗ-೨ಕ್ಕೆ ರಿಮೇಕ್ ಹಾಗೂ ಡಬ್ಬಿಂಗ್‌ಗೆ ಬೇರೆ ಭಾಷೆಗಳಿಂದ ಕರೆಗಳು ಬರುತ್ತಿವೆ ಎನ್ನುತ್ತಾರೆ.

       ಸಿನಿಮಾವು ಈಗ ಮೂರನೇ ವಾರಕ್ಕೆ ಕಾಲಿಟ್ಟಿದ್ದು, ಎಲ್ಲಾ ಕಡೆಗಳಿಂದ ಪ್ರಶಂಸೆ ಬರುತ್ತಿರುವುದರಿಂದ ಪ್ರದರ್ಶನಗಳು ಹೆಚ್ಚಾಗುತ್ತಿವೆ. ಕರ್ನಾಟಕ ಚುನಾವಣೆ ಮತ್ತು ಐಪಿಎಲ್ ಪಂದ್ಯ ಇದ್ದರೂ ಚಿತ್ರಮಂದಿರಗಳಿಗೆ ನೋಡುಗರ ಕೊರತೆ ಇಲ್ಲ. ಕುಟುಂಬಸಮೇತ ಬರುತ್ತಿರುವುದು ತಂಡಕ್ಕೆ ಸಂತಸ ತಂದಿದೆ. ಕ್ಲೈಮಾಕ್ಸ್ ಇಷ್ಟವಾಗಿದ್ದು, ಪ್ರತಿಯೊಬ್ಬರು ಇದರ ಬಗ್ಗೆ ಮಾತನಾಡುತ್ತಿದ್ದಾರೆ. ‘ದಿ ಮಿಸ್ಟೀರಿಯಸ್ ಕೇಸ್ ಆಫ್ ಮಾಯಾವಿ’ ಸರಣಿಯಲ್ಲಿ ತೆರೆ ಕಂಡಿತ್ತು. ಇದರಲ್ಲಿ ನಟಿಸಿದ ಪ್ರತಿಯೊಬ್ಬ ಕಲಾವಿದರಿಗೂ ತೃಪ್ತಿ ಸಿಕ್ಕಿದೆ ಅಂತ ಸಕ್ಸಸ್ ಮೀಟ್‌ದಲ್ಲಿ ಹೇಳಿಕೊಂಡಿದ್ದಾರೆ. ಸಂತೋಷದ ಸಮಯದಲ್ಲಿ ನಿರ್ಮಾಪಕ ಅನೂಪ್‌ಗೌಡ, ನಾಯಕ ರಮೇಶ್‌ಅರವಿಂದ್, ಮೇಘನಾಗಾಂವ್ಕರ್, ಸಂಗೀತಾಶೃಂಗೇರಿ, ರಾಧಿಕಾನಾರಾಯಣ್ ಮುಂತಾದವರ ಉಪಸ್ತಿತಿ ಇತ್ತು.