ಸಪ್ತ ಸಾಗರದಾಚೆ ಎಲ್ಲೋ ಟ್ರೇಲರ್ ಲೋಕಾರ್ಪಣೆ
‘ಗೋದಿ ಬಣ್ಣ ಸಾಧಾರಣ ಮೈ ಕಟ್ಟು’ ನಿರ್ದೇಶಕ ಹೇಮಂತ್‌ರಾವ್ ರಚನೆ,ಚಿತ್ರಕಥೆ ಬರೆದು ಆಕ್ಷನ್ ಕಟ್ ಹೇಳಿರುವ ‘ಸಪ್ತ ಸಾಗರದಾಚೆ ಎಲ್ಲೋ’ ಚಿತ್ರದ ಟ್ರೇಲರ್ ಬಿಡುಗಡೆ ಕಾರ್ಯಕ್ರಮ ಶಂಕರ್‌ನಾಗ್ ಚಿತ್ರಮಂದಿರದಲ್ಲಿ ನಡೆಯಿತು. ರುಕ್ಮಿಣಿವಸಂತ್ ನಾಯಕಿಯಾಗಿ ಅಭಿನಯಿಸಿದ್ದಾರೆ.
ಪರಂವಾ ಪಿಕ್ಚರ‍್ಸ್ ಬ್ಯಾನರ್‌ದಲ್ಲಿ ನಿರ್ಮಾಣ ಮಾಡಿರುವ ರಕ್ಷಿತ್‌ಶೆಟ್ಟಿ, ಕಥೆಯಲ್ಲಿ ‘ಮನು’ ಎಂಬ ಯುವಕನ ಪಾತ್ರದಲ್ಲಿ ಎರಡು ಶೇಡ್‌ಗಳಲ್ಲಿ ಕಾಣಿಸಿಕೊಂಡಿದ್ದಾರೆ. ಮನು ಮತ್ತು ಪ್ರಿಯಾ ಎಂಬ ಎರಡು ಪಾತ್ರಗಳು ಪ್ರತಿ ಹಂತದಲ್ಲೂ ಕ್ಯಾರಿ ಮಾಡುತ್ತದೆ, ದಂಪತಿಯ ಮಧ್ಯೆ ನಡೆಯುವ ಭಾವನಾತ್ಮಕ ಅಂಶಗಳು ಇರಲಿದೆ. ತಾರಾಗಣದಲ್ಲಿ ಚೈತ್ರಾಆಚಾರ್, ಅವಿನಾಶ್, ಶರತ್‌ಲೋಹಿತಾಶ್ವ, ಅಚ್ಯುತ್‌ಕುಮಾರ್, ಪವಿತ್ರಾಲೋಕೇಶ್, ಗೋಪಾಲಕೃಷ್ಣದೇಶಪಾಂಡೆ, ರಮೇಶ್‌ಇಂದಿರಾ ಮುಂತಾದವರು ಅಭಿನಯಿಸಿದ್ದಾರೆ. ಅದ್ವೈತ ಗುರುಮೂರ್ತಿ ಛಾಯಾಗ್ರಹಣ, ಸುನೀಲ್‌ಭಾರದ್ವಾಜ್ ಸಂಕಲನವಿದೆ. ಸುಮಾರು ೧೨೦ ದಿನಗಳ ಕಾಲ ಚಿತ್ರೀಕರಣ ನಡೆಸಲಾಗಿದೆ. ಸಿನಿಮಾದ ಸೈಡ್ ಎ ಸೆಪ್ಟಂಬರ್ ೧ರಂದು ಮತ್ತು ಸೈಡ್ ಬಿ ಅಕ್ಟೋಬರ್ ೨೦ರಂದು ರಾಜ್ಯಾದ್ಯಂತ ತೆರೆ ಕಾಣುತ್ತಿದೆ. ಖ್ಯಾತ ನಿರ್ಮಾಣ ಹಾಗೂ ವಿತರಣ ಸಂಸ್ಥೆ ಕೆವಿಎನ್.ಪ್ರೊಡಕ್ಷನ್ ಚಿತ್ರಗಳನ್ನು ಜನರಿಗೆ ತೋರಿಸಲು ಯೋಜನೆ ಹಾಕಿಕೊಂಡಿದೆ.
