ಹೊರಬಂತು ಲವ್ ಟೀಸರ್
ಹಾಡುಗಳ ಮೂಲಕವೇ ಗಮನ ಸೆಳೆಯುತ್ತಿರುವ ‘ಲವ್’ ಚಿತ್ರದ ಟೀಸರ್ ಬಿಡುಗಡೆ ಸಮಾರಂಭವು ಮೊನ್ನೆಯಷ್ಟೇ ನಡೆಯಿತು. ಈ ಹಿಂದೆ ಹಾರರ್ ಚಿತ್ರಕ್ಕೆ ಆಕ್ಷನ್ ಕಟ್ ಹೇಳಿದ್ದ ಮಹೇಶ.ಸಿ.ಅಮ್ಮಳ್ಳಿದೊಡ್ಡಿ ಈಗ ಪ್ರೀತಿಯ ಕಥೆಯನ್ನು ಹೇಳಲಿಕ್ಕೆ ಹೊರಟಿದ್ದಾರೆ. ಶ್ರೀ ಕಾಲ ಭೈರವೇಶ್ವರ ಮೂವೀ ಮೇಕರ‍್ಸ್‌ನಲ್ಲಿ ದಿವಾಕರ್ ನಿರ್ಮಾಣ ಮಾಡುತ್ತಿರುವುದು ನೂತನ ಅನುಭವ.
ನೈಜ ಘಟನೆ ಕಥೆಯಲ್ಲಿ ಹಿಂದೂ ಹುಡುಗ ಹಾಗೂ ಮುಸ್ಲಿಂ ಹುಡುಗಿಯ ನಡುವೆ ಲವ್ ಆದಾಗ ಮನೆ ಕಡೆಯಿಂದ, ಇಡೀ ಸಮಾಜದವರು ಎದುರು ನಿಂತಾಗ ಏನಾಗುತ್ತದೆ ಎಂಬುದು ಒಂದು ಏಳೆಯ ಸಾರಾಂಶವಾಗಿದೆ.
ಪ್ರಜಯ್‌ಜಯರಾಮ್ ನಾಯಕ, ವೃಷಾಪಾಟೀಲ ನಾಯಕಿ. ಇಬ್ಬರಿಗೂ ನೂತನ ಅವಕಾಶ. ಉಳಿದಂತೆ ‘ಕಾಂತಾರ’ದಲ್ಲಿ ಕಾಣಿಸಿಕೊಂಡಿದ್ದ ಪ್ರಭಾಕರ್‌ಕುಂದರ್ ಬ್ರಹ್ಮಾವರ, ಸತೀಶ್‌ಕಾಂತಾರ, ಉಮೇಶ್, ಶ್ರೀಕಾಂತ್‌ತೇಲಿ, ರಾಧಿಕಾಭಟ್, ತಿಲಕ, ಪ್ರಸಾದ್‌ಭಟ್, ಹರೀಶ್‌ಶೆಟ್ಟಿ, ಸೌರಭ್, ರಜತ್‌ಶೆಟ್ಟಿ ಮುಂತಾದವರ ತಾರಬಳಗವಿದೆ.
ಶ್ರೀಸಾಯಿ ಕಿರಣ್ ಸಂಗೀತ, ಶಿವಪ್ರಸಾದ್ ಹಿನ್ನಲೆ ಶಬ್ದ, ಸಿದ್ದಾರ್ಥ್ ಛಾಯಾಗ್ರಹಣ, ಲೋಕೇಶ್‌ಪುಟ್ಟೇಗೌಡ ಸಂಕಲನವಿದೆ. ಉಡುಪಿ, ಕೋಟ,ಕುಂದಾಪುರ, ಬೈಂದೂರ್, ಬಾಗಲಕೋಟೆ, ಬೆಂಗಳೂರು ಕಡೆಗಳಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ಸೆಪ್ಟಂಬರ್ ೧೫ರಂದು ರಾಜ್ಯಾದ್ಯಂತ ತೆರೆಗೆ ಬರಲಿದೆ.
