ಕಾಲ್ಗೆಜ್ಜೆ ನಿರ್ದೇಶಕರ ಮಡಕೇರಿ

      ‘ಕಾಲ್ಗೆಜ್ಜೆ’ ಚಿತ್ರಕ್ಕಾಗಿ ರಾಜ್ಯ ಪ್ರಶಸ್ತಿ ಪಡೆದಿರುವ ಎ.ಬಂಗಾರು ನಿರ್ದೇಶನದ ಎರಡನೇ ಚಿತ್ರ ‘ಮಡಕೇರಿ’ ಸಿನಿಮಾದ ಶೀರ್ಷಿಕೆ ಅನಾವರಣ ಕಾಯಾಕ್ರಮ ಇತ್ತೀಚೆಗೆ ಶ್ರೀ ಶ್ರೀ ಶ್ರೀ ಷ.ಬ್ರ.ರೇವಣ ಸಿದ್ದೇಶ್ವರ ಶಿವಚಾರ್ಯ ಸ್ವಾಮಿಗಳ ದಿವ್ಯ ಸಾನ್ನಿಧ್ಯದಲ್ಲಿ ರೇಣುಕಾಂಬ ಸ್ಟುಡಿಯೋದಲ್ಲಿ ನಡೆಯಿತು. ಮಂಜು ಕರಗುವ ಮುನ್ನ’ ಎಂಬ ಅಡಿಬರಹವಿದೆ.  ನಿರ್ದೇಶಕರ ಗುರು ಎಸ್.ಮಹೇಂದರ್ ಟೈಟಲ್ ಲಾಂಚ್ ಮಾಡುವ ಮೂಲಕ ವಾತಾವರಣಕ್ಕೆ ಕಳೆ ತಂದರು.

      ನಂತರ ಮಾತನಾಡಿದ ಮಹೇಂದರ್ ಇತ್ತೀಚಿನ ದಿನಗಳಲ್ಲಿ ಸದಭಿರುಚಿಯ ಚಿತ್ರಗಳು ಕಡಿಮೆ ಆಗುತ್ತಿದೆ. ಶಿಷ್ಯ ಮಾಡಿದ್ದ ಸಿನಿಮಾಕ್ಕೆ ಅವಾರ್ಡ್ ಸಿಕ್ಕಿದ್ದು ಖುಷಿ ತಂದಿತ್ತು. ೨೦೧೨ರಲ್ಲಿ ಬಿಡುಗಡೆಯಾದ ಅದ್ಬುತ ಸಿನಿಮಾವನ್ನು ನಾನು ನೋಡಿದ್ದೆ. ಅದೇ ಬಂಗಾರು ಈಗ ಇನ್ನೊಂದು ಹೊಸ ಯೋಚನೆ ಯೋಜನೆಯೊಂದಿಗೆ ಆಖಾಡಕ್ಕೆ ಇಳಿದಿದ್ದಾರೆ. ಹೆಸರೇ ತುಂಬ ಸೊಗಸಾಗಿದೆ. ಖಂಡಿತ ಇದು ವಿಷಯಾಧಾರಿತ ಚಿತ್ರವಾಗಿ ಹೊರಹೊಮ್ಮಲಿದೆ. ಬರಹಗಾರ, ಭಾವನಾಜೀವಿ ಅವರಿಗೆ ಗೆಲುವು ತಂದು ಕೊಡಲಿ ಅಂತ ಶುಭ ಹಾರೈಸಿದರು.