ಪ್ರಜ್ವಲ್‌ದೇವರಾಜ್ ಹುಟ್ಟುಹಬ್ಬಕ್ಕೆ ಗಣ ಟೀಸರ್

       ಮೊನ್ನೆ ಪ್ರಜ್ವಲ್‌ದೇವರಾಜ್ ಹುಟ್ಟಹಬ್ಬದ ಪ್ರಯುಕ್ತ ‘ಗಣ’ ಚಿತ್ರದ ಟೀಸರ್‌ನ್ನು ಚಂದ್ರಲೇಖಾದೇವರಾಜ್ ಬಿಡುಗಡೆ ಮಾಡಿದರು. ಈ ಸಂದರ್ಭದಲ್ಲಿ ದೇವರಾಜ್, ರಾಗಿಣಿಪ್ರಜ್ವಲ್, ಪ್ರಣಾಮ್‌ದೇವರಾಜ್ ಹಾಜರಿದ್ದರು. ಐಟಿ ಉದ್ಯೋಗಿಯಾಗಿರುವ ಪಾರ್ಥು ನಿರ್ಮಾಣ ಮಾಡಿರುವುದು ಹೊಸ ಅನುಭವ. ಹರಿಪ್ರಸಾದ್ ಜಕ್ಕ ನಿರ್ದೇಶನ ಮಾಡಿದ್ದಾರೆ.

     ವಿಭಿನ್ನ ಜಾನರ್ ಹೊಂದಿದ್ದು, ೧೯೯೩ ಮತ್ತು ೨೦೨೩ರ ಎರಡು ಕಾಲಘಟ್ಟದಲ್ಲಿ ನಡೆಯುವ ಕಥೆಯಾಗಿದೆ. ಸಮಯದ ಜೊತೆ ಹೋರಾಡುವ ಅಂಶಗಳು ಇರಲಿದೆ. ಆಕ್ಷನ್ ಜತೆಗೆ ತಾಯಿ ಸೆಂಟ್‌ಮೆಂಟ್ ತುಣುಕುಗಳಲ್ಲಿ ಗಮನ ಸೆಳೆದಿದೆ. ನಾಯಕಿಯಾಗಿ ವೇದಿಕಾ, ಅತಿಥಿ ಪಾತ್ರದಲ್ಲಿ ಕೃಷಿತಾಪಂಡ ಇವರೊಂದಿಗೆ ಶಿವರಾಜ್.ಕೆ.ಆರ್ ಪೇಟೆ, ಮಾಸ್ಟರ್ ರಘುನಂದನ್ ಮುಂತಾದವರು ನಟಿಸಿದ್ದಾರೆ. ಸಂಗೀತ ಅನೂಪ್‌ಸೀಳನ್, ಛಾಯಾಗ್ರಹಣ ಜೈ ಆನಂದ್, ಸಂಕಲನ ಹರೀಶ್‌ಕೊಮ್ಮೆ ಅವರದಾಗಿದೆ. ಸದ್ಯ ಪೋಸ್ಟ್  ಪ್ರೊಡಕ್ಷನ್ ಕೆಲಸಗಳನ್ನು ಮುಗಿಸಿಕೊಂಡು ಸೆನ್ಸಾರ್ ಅಂಗಳಕ್ಕೆ ಹೋಗಲು ಸಿದ್ದತೆ ಮಾಡಿಕೊಂಡಿದೆ.