ಅಂಬುಜಾ ಟ್ರೇಲರ್ ಬಿಡುಗಡೆ
ನೈಜ ಘಟನೆ ಆಧಾರಿತ ‘ಅಂಬುಜ’ ಚಿತ್ರದ ಟೀಸರ್ ಕಲಾವಿದರ ಸಂಘದಲ್ಲಿ ಬಿಡುಗಡೆಗೊಂಡಿತು. ಕಥೆ,ಸಾಹಿತ್ಯ ಬರೆದು ನಿರ್ಮಾಣ ಮಾಡಿರುವುದು ಕಾಶಿನಾಥ್.ಡಿ.ಮಡಿವಾಳರ್. ನಿರ್ದೇಶಕ ಶ್ರೀನಿಹನುಮಂತರಾಜು ಅವರಿಗೆ ಎರಡನೇ ಅವಕಾಶ. ಕ್ರೈಂ ರಿಪೋರ್ಟರ್ ಆಗಿ ಶುಭಪೂಂಜಾ, ಲಂಬಾಣಿಯಾಗಿ ರಜನಿ ೨೫ ಕೆಜಿ ತೂಕದ ಡ್ರೆಸ್‌ನ್ನು ಧರಿಸಿರುವುದು ವಿಶೇಷ.
ಕಥೆ ಬರೆದಾಗ ಚೆನ್ನಾಗಿದೆ ಅನಿಸಿತು. ಗೊತ್ತಿಲ್ಲದ ವಿಚಾರಗಳನ್ನು ಜನರಿಗೆ ಹೇಳಬೇಕು ಎನಿಸಿತು. ಆದಾದ ಮೇಲೆ ನಿರ್ದೇಶಕರೊಂದಿಗೆ ಮಾತನಾಡಿದಾಗ ಅವರು ಕೂಡ ಇಷ್ಟಪಟ್ಟರು. ಸಿನಿಮಾ ಮಾಡೋಣವೆಂದು ನಿರ್ಧಾರ ತೆಗೆದುಕೊಂಡಾಗ ತಾನೇ ತಾನಾಗಿ ಪಾತ್ರಗಳು ಸಿಗುತ್ತಾ ಹೋಯಿತು. ಅಂಬುಜಾ ಪಕ್ಕಾ ಕಮರ್ಷಿಯಲ್ ಚಿತ್ರವಾಗಿದ್ದು, ಮನೆಮಂದಿಯೆಲ್ಲ ಕುಳಿತು ನೋಡಬಹುದಾದ ಚಿತ್ರವೆಂದು ನಿರ್ಮಾಪಕರು ಖುಷಿ ಹಂಚಿಕೊಂಡರು.
ದೀಪಕ್‌ಸುಬ್ರಮಣ್ಯ ನಾಯಕ. ಉಳಿದಂತೆ ಪದ್ಮಜರಾವ್, ರಜನಿ, ಕಾಮಿಡಿ ಕಿಲಾಡಿಗಳು ಗೋವಿಂದೇಗೌಡ, ಮತ್ತು ನಿರ್ದೇಶಕ ಶರಣಯ್ಯ, ಪ್ರಿಯಾಂಕಕಾಮತ್, ಸಂದೇಶ್‌ಶೆಟ್ಟಿ ಮುಂತಾದವರು ನಟಿಸಿದ್ದಾರೆ. ಪ್ರಸನ್ನಕುಮಾರ್.ಎಂ.ಎಸ್ ಸಂಗೀತ, ಮುರಳಿಧರ.ಎಂ ಛಾಯಾಗ್ರಹಣ, ವಿಜಯ್.ಎಂ.ಕುಮಾರ್ ಸಂಕಲನ ಚಿತ್ರಕ್ಕಿದೆ. ಬೆಂಗಳೂರು, ಗದಗ, ಉಡುಪಿ ಸುತ್ತಮುತ್ತ ಚಿತ್ರೀಕರಣ ನಡೆಸಲಾಗಿದೆ. ಸಿನಿಮಾವು ಜುಲೈ ೨೧ರಂದು ತೆರೆಕಾಣುತ್ತಿದೆ.
