ಮರೀಚಿ ಟ್ರೇಲರ್ ಬಿಡುಗಡೆ

        ‘ಮರೀಚಿ’  ಚಿತ್ರದ ಪ್ರಚಾರದ ಎರಡನೇ ಹಂತವಾಗಿ ಟ್ರೇಸಲರ್ ಬಿಡುಗಡೆ ಕಾರ್ಯಕ್ರಮ ಎಂಎಂಬಿ ಲೆಗಸಿಯಲ್ಲಿ ನಡೆಯಿತು. ಕಥೆ, ನಿರ್ದೇಶನ ಹಾಗೂ ಬಂಡವಾಳ ಹೂಡಿರುವ ಸಿದ್ದಾರ್ವ್ ಹೇಳುವಂತೆ ಇದೊಂದು ಸೆಸ್ಪೆನ್ಸ್, ಥ್ರಿಲ್ಲಿಂಗ್ ಅಂಶಗಳ ಝಲಕ್ ಕೊಡುತ್ತದೆ. ೧೫೦ ಟೈಟಲ್‌ಗಳು ನಮ್ಮ ಮುಂದೆ ಇತ್ತು. ಅದರಲ್ಲಿ ಋಷಿ ಹೆಸರು ಇರುವ ಶೀರ್ಷಿಕೆ ಆಯ್ಕೆ ಮಾಡಬೇಕಿತ್ತು. ಕೊನೆಗೆ ‘ಮರೀಚಿ’ ಅಂತಿಮವಾಯಿತು. ಬ್ರಹ್ಮನ ಮಗನಿಗೆ ಇದೇ ಹೆಸರಿನಿಂದ ಕರೆಯುತ್ತಾರೆ. ಈತ ದೇವದಾಸ್, ಅಸುರರ ಗಾಡ್‌ಫಾದರ್. ಇದರಲ್ಲಿ ಒಳ್ಳೆಯದು, ಕೆಟ್ಟದಕ್ಕೆ ಗಾಡ್ ಫಾದರ್ ತೆಗೆದುಕೊಳ್ಳಲಾಗಿದೆ. ಕಿರುಚಿತ್ರಗಳನ್ನು ಮಾಡಿ, ಇದರ ಅನುಭವದಿಂದ ಈಗ ದೊಡ್ಡ ಸಾಹಸಕ್ಕೆ ಕೈ ಹಾಕಿದ್ದೇನೆ ಎನ್ನುತ್ತಾರೆ. ಸಂತೋಷ್‌ಮಾಯಪ್ಪ ನಿರ್ಮಾಣದಲ್ಲಿ ಕೈ ಜೋಡಿಸಿದ್ದಾರೆ.

      ಮತ್ತೋಮ್ಮೆ ವಿಜಯರಾಘವೇಂದ್ರ ಪೋಲೀಸ್ ಡ್ರೆಸ್‌ದಲ್ಲಿ ಕಾಣಿಸಿದಕೊಂಡಿದ್ದಾರೆ.  ‘ಹ್ಯಾಪಿ ನ್ಯೂ ಹಿಯರ್’ ನಂತರ ಸೋನುಗೌಡ ಇವರೊಂದಿಗೆ ನಾಯಕಿಯಾಗಿ ನಟಿಸಿದ್ದಾರೆ. ತಾರಾಗಣದಲ್ಲಿ ಅಭಿದಾಸ್, ಸ್ಪಂದನಸೋಮಣ್ಣ, ಆರ್ಯನ್, ಶೃತಿಪಾಟೀಲ್, ಗೋಪಾಲ್‌ಕೃಷ್ಣದೇಶಪಾಂಡೆ, ಅರುಣಬಾಲರಾಜ್ ಮುಂತಾದವರ ನಟನೆ ಇದೆ. ಸಂಗೀತ ಜ್ಯೂಡೋ ಸ್ಯಾಂಡಿ, ಛಾಯಾಗ್ರಹಣ ಮನೋಹರ್‌ಜೋಶಿ, ಸಂಭಾಷಣೆ ಪ್ರಸನ್ನ.ಎ.ವಿ, ನೃತ್ಯ ಮದನ್‌ಹರಣಿ  ಅವರದಾಗಿದೆ. ಡಿಸೆಂಬರ್ ೮ಕ್ಕೆ ಸಿನಿಮಾವು ಬಿಡುಗಡೆಯಾಗಲಿದೆ.